Transferimi në Milano e ka kthyer në garën për Këpucën e Artë të Seria A sulmuesin Kryzstof Piatek.
Polaku realizoi dopietë në fitoren që Milani arriti me përmbysje 3-1 ndaj Atalantës. Fillimisht 23 vjeçari shënoi golin e barazimit 1-1, pasi Bergamaskët kaluan në avantazh me Freuler pas 33 minutash lojë.
Me rikthimin në fushë, Calhanoglu befasoi Berishën, duke tundur rrjetën e gardianit kuqezi me një perlë nga jashtë zonës. Goli që i vuri kapak triumfit të Milanit kishte sërish si protagonist Piatek, që i ndihmuar dhe nga gabimi i Berishës kompletoi dopietën. Ky ishte goli i 17-të i Piatek në këtë sezon, i 6-i me fanellën e Milanit.
Me këtë fitore Milani afrohet me Interin e vendit të tretë, ku mban 1 pikë më pak se zikaltërit në vendin e katërt. Nga ana tjetër, Atalanta mban vendin e 5-të me 38 pikë.