Ndryshimet klimatike i kanë vendosur pinguinët perandorë që jetojnë në Antarktidë në rrezik të madh të zhdukjes. Një studiuese në Institutin Argjentinas të Antarktidës beson se këta pinguinë mund të zhduken brenda 30 deri në 40 vitet e ardhshme. Ndryshe nga pinguinët Adelia, të cilët ndërtojnë fole, pinguinët perandorë riprodhohen në akullin detar.
“Kur platforma e akullit humbet stabilitetin, pinguinët e vegjël – ata që po rriten, zogjtë e asaj stine – mund të mos kenë pendët e tyre dhe mund të mos jenë gati për të shkuar në det. Toka ku ata mbështeten, ku kolonia po zhvillohet, dëmtohet dhe nëse bien në ujë, ata nuk janë gati për të notuar, sepse kanë pendët e tyre të rritura të papërshkueshme nga uji dhe ngordhin nga të ftohtit”, thotë biologia Marcela Libertelli për Reuters.
Ky fenomen ka ndodhur tashmë me këto specie ikonike të dashuruara pas të ftohtit në Detin Ëeddell, në të cilën, gjatë tre viteve, të gjithë zogjtë ngordhën.
Çdo vit shkencëtarët numërojnë pinguinët për të kuptuar se si ngrohja globale po ndikon mbi ta dhe për të vëzhguar se çfarë po ndodh në të gjithë ekosistemin.