Gerard Pique doli jashtë kontrollit kur mbështetësit e ish-partneres së tij, Shakira, e provokuan gjatë një eventi duke thirrur emrin e saj.
Ish-futbollisti ndodhej në një klub nate në Barcelonë dhe në një moment mori mikrofon në dorë për t’iu drejtuar pjesëmarrësve.
Këta të fundit u siguruan që ta ndërprisnin dhe ta acaronin. Ata filluan të brohorisnin emrin e Shakirës, me Piquen që nuk u përmbajt. Edhe pse heshti për një kohë të gjatë, ndërsa të gjithë thërrisnin emrin e artistes, Pique shpërtheu.
“Nuk më intereson, unë jam kampion bote dhe ju jeni një hiçgjë”, tha ai me inat. Reagimi i tij u bë viral në rrjetet sociale.