Komisioni Qendror i Zgjedhjeve ka përditësuar të dhënat e pjesëmarrësve në zgjedhjet vendore.
Deri në orën 13:00, pjesëmarrja e votuesve në rang vendi është 23.2%. Pra, numri i votuesve raportohet të jetë 440 mijë e 370 nga 1.898.349 zgjedhës në listën e QV-ve të raportuara.
Pjesëmarrjen më të lartë e shënon Pusteci, ndërsa pjesëmarrjen më të ulët Vlora.
Krahasuar me zgjedhjet vendore paraardhëse, numri i pjesëmarrësve vjen me trend në rënie, ku në vitin 2019 në po të njëjtin hark kohor shprehën vullnetin rreth 32% e qytetarëve në rang vendi.