Zv/presidentja e Partisë së Lirisë, Erisa Xhixho thotë se duke votuar më 11 maj programin ekonomik “Made in Albania”, shqiptarët do të votojnë për uljen e taksave dhe ndërtimin e një Shqipërie fuqi prodhuese dhe eksportuese në rajon.
”Ulim numrin e shkallëve të ndryshme tatimore: taksa e sheshtë 10% mbi të ardhurat jo nga paga; zero taksim për profesionet e lira dhe biznesin e vogël; tavani vjetor për tatim fitimin zero për biznesin e vogël; TVSH do të ulet në 15%.
Taksa e ndikimit në infrastrukturë do të ulet nga 8% e çmimit të shitjes në 2% të preventivit; taksa 3% e strehimit social mbi çmimin e shitjes do të shfuqizohet.
Tarifa e rivlerësimit të pronës do të ulet nga 5% në 1%; energjia elektrike për biznesin nga 18-24 lekë që është sot, do të shitet në 6 lekë; taksa e shitjes së pronës do të ulet nga 15% në 2%”.