Një 33-vjeçar, i cili ishte shpallur në kërkim ndërkombëtar për plagosje të rëndë është ekstraduar nga Spanja drejt Shqipërisë.
Bëhet fjalë për Fatbardh Dodën (Dervishi), i cili akuzohet se në vitin 2022, në ambientet e një hoteli në Durrës, ka plagosur rëndë me armë zjarri të dashurën e tij.
Për Dodën, Gjykata e Rrethit Gjyqësor Durrës caktoi masën e sigurisë “Arrest në burg”, për veprat penale “Plagosja e rëndë në kushtet e tronditjes së fortë psikike” dhe “Prodhimi dhe mbajtja pa leje e armëve luftarake dhe e municionit”.