Policia e Shkodrës ka dalë me deklaratë zyrtare në lidhje me plagosjen e ndodhur mbrëmjen e sotme në afërsi të ish-Fermentimit të duhanit, në Shkodër.
Sipas policisë ngjarja ka ndodhur në rrethana ende të paqarta janë plagosur në këmbë me armë zjarri shtetasit Edison Gjeka, 24 vjeç dhe Ndue Pali, 24 vjeç,
Shkodër/Informacion paraprak
Në lagjen Skënderbeg, Shkodër, në afërsi të ish-Fermentimit të duhanit, rreth orës 20:10, në rrethana ende të paqarta janë plagosur në këmbë me armë zjarri shtetasit E. Gj., 24 vjeç dhe N. P., 24 vjeç, të cilët janë transportuar në Spital ku ndodhen jashtë rrezikut për jetën.
Në vendngjarje kanë mbërritur shërbimet policore të DVP Shkodër dhe FNSH.
Është rrethuar në një perimtër të gjerë zona ku ka ndodhur ngjarja dhe vijon krehja e saj nga shërbimet e Policisë Shkodër dhe të FNSH-së.
Janë ngritur pika kontrolli në hyrje-dalje dhe vijojnë kontrollet në të gjithë zonën.
Grupi hetimor nën drejtimin e Prokurorisë po punon për sqarimin e rrethanave të ngjarjes, identifikimin dhe kapjen e autorëve.