Plagosje me thikë në Gjirokastër, në kërkim autori

Një 38-vjeçar është plagosur me thikë në Gjirokastër të mërkurën. Policia tha se ngjarja ndodhi në vendin e quajtur “Ura e Lumit”, në një servis automjetesh, ku gjatë një konflikti të çastit për motive të dobëta, shtetasi E. N., 25 vjeç dyshohet se ka plagosur me mjet prerës (thikë), shtetasin D. S., 38 vjeç, banues në fshatin Picar, i cili ndodhet në spital, jashtë rrezikut për jetën. Shërbimet e Policisë po punojnë për kapjen e 25-vjeçarit. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.