Reshjet e dëborës u rikthyen në Dibër e Kukës, ndërsa pjesa tjetër e vendit është përfshirë nga shi e erë. Stuhia në mes të pranverës krijoi problematika, por nga ana tjetër po mbush liqenin e Fierzës.
Reshjet e shiut e përmirësuan situatën në kaskadën e Drinit ku ndodhen tre hidrocentralet kryesore të prodhimit të energjisë elektrike.
Këtë të diel niveli i liqenit të Fierzës arriti 271 metra nga 259 metra që ishte ditët e fundit të muajit mars.
12 metra rritje që kur kanë nisur reshjet.
Por ende ndodhet 26 metra larg nivelit maksimal të Liqenit që është 296 Metra.
Moti I keq përfshiu të gjithë vendin këtë të diel.
Në Dibër e Kukës, sikurse zona të tjera malore u rikthyen edhe reshjet e dëborës.