Një 35-vjeçar është plagosur me armë zjarri pasditen e sotme në rrethana ende të paqarta. Ngjarja ka ndodhur rreth orës 15:20, në Tapizë të Krujës.
I plagosuri, shtetasi E. K., 35 vjeç, ndodhet në spital nën kujdesin e mjekëve, jashtë rrezikut për jetën.
Forcat “Shqiponja” dhe shërbimet e tjera të Policisë Krujë, kanë shoqëruar në ambientet e Policisë 5 shtetas të cilët mund të kenë dijeni rreth ngjarjes.
Grupi hetimor nën drejtimin e Prokurorisë ndodhen në vendngjarje dhe vijojnë punën për zbardhjen e ngjarjes dhe identifikimin e autorit.