Reperi shqiptar Dardan është përballur me të papriturën mbrëmjen e ndjeshme në ndeshjen Shtutgart-Koln.
Dardan Mushkolaj i njohur me emrin e artit “Dardan” është një reper mjaft i suksesshëm në Gjermani, por mesa duket jo të gjithë e njohin. 24-vjeçari ka qenë prezent në tribunën e ultrasve të Shtutgartit dhe pikërisht këtu ka nisur gjithçka.
Teksa reperi ka nisur të filmojë, ultrasit janë acaruar pasi nuk duan të dalin me fytyre para kamerave. Një grup tifozësh i kanë kërkuar disa herë reperit të mos filmojë, por ky i fundit ka vazhduar.
Më pas ka nisur një konflikt ku Dardan së bashku me shokët e tij është përzënë nga tribuna e ultrasve. Videoja është bërë virale dhe vetëm ditën e sotme është bërë i mundur indetifikimi i reperit të njohur shqiptar.