Kreu i LZHK-së, Dashamir Shehi akuzoi nga foltorja e Kuvendit këtë të enjte qeverinë pasi sipas tij po justifikon gabimet në udhëheqjen e vendit, duke u kapur pas veprave të qeverisë Berisha.
Nëse do të kishim një sistem drejtësie më të mirë, sipas Shehit, pas hekurave do të kishte më shumë funksionarë publikë që abuzojnë me detyrën.
“Çdo investim publik ka mbrapa një hije dyshimi shumë të madhe. Nuk mund të justifikoheni ju me atë që është bërë përpara. Ata u ndëshkuan me votë. Tani nuk po ndodh fare kjo punë. Ndoshta nga vjet deri sivjet mund të jetë bërë një ndryshim shumë i vogël. Ne kemi për detyrë t’i turremi qeverisë kur e ka gabim. A del ndonjëri nga ju kur jeni gabim? A nuk e keni dalluar ju që funksionarët publikë e kanë zgjatur dorën më shumë se duhet te paratë e qytetarëve. Na takon ne që të rishikojmë pozicionet tona për të goditur deri në fund këtë pjesë që nuk është më në qeverisje. Një pjesë janë burgjeve, po të kishim drejtësi më të mirë do ishin edhe një pjesë tjetër më e madhe”, tha kreu i LZHK-së.