Ish-deputetja e Kuvendit të Kosovës, Donika Kadaj, Bujupi së bashku me grupin “Kosovo Mountain Club” që eksplorojnë malet e vendit janë sulmuar nga serbët në veri.
Këtë lajm e ka konfirmuar edhe vet ish deputetja, e cila është shprehur “se po janë qëlluar me armë”.
“Po është e vërtetë ka pasur të shtënë me armë zjarri, për fat të mirë jemi të gjithë mirë. Jemi detyru me u kthy ”, ka thënë Kadaj-Bujupi për Insajderin.
Grupi “Kosovo Mountain Club”, sot ishte duke ecur në vendin e quajtur Shijak i Bubes që është në veri të Kosovës, ku edhe janë sulmuar nga serbët.