Krahasimet që bëri sot kryeministri Edi Rama mes emrave të listave të tij dhe të opozitës, me pak ironi dhe nota “tallëse” për kundërshtarët, ka ndjellë debat në sferën social-politike në vend.
Në studion e “open” Gjekmarkaj tha se kjo që po bën Rama është diçka e shëmtuar dhe që nuk i ka hije një kryeministri.
Kur i erdhi radha për të folur juristi Spahiu u nxeh dhe kërkoi të lërë emisionin, ndërkohë që moderatorja Vasili ia ka kthyer “me të njejtën monedhë”.
Gjekmarkaj: Kjo që po bën Rama është e papranueshme, është e shëmtuar. Pse duhet të merret me pamjen e jashtme, me bukurinë. Pse duhet ta kem unë detyrimin të jem më i bukur se sa kandidatja e PS në Lezhë, qytetarët nuk votojnë për bukurinë, por për punën dhe vlerat që mbart një kandidat.
Vasili: Dua të dëgjoj pak Spahiun, po Spahiu fol.
Spahiu: Ç’a bëhet kështu, kam gjysmë ore, po iki fare më mirë.
Vasili: Spahiu kujdes me deklaratat mos bëj presion se nuk jemi nga ata që trembemi.