Kryeministri Edi Rama ishte në Durrës për të parë nga afër punimet në ndërtimin e shkollës “Shaqe Mazreku”, e cila sipas tij “bashkë me 10 shkolla të tjera në Durrës po rilind për të hapur dyert më 26 nëntor të këtij viti, më e madhe e më bukur për 711 nxënës dhe mësues, me një mjedis shkollor të denjë me kushte optimale”.

Në këtë shkollë, biblioteka do të jetë në tarracë, ndërsa për të shfrytëzuar hapësirën, Edi Rama rekomandoi që të vendosen edhe tavolina shahu pingpongu.

Gjatë inspektimit, kreu i qeverisë u kujdes që të gjithë të ishin me maska, teksa njërit prej punëtorëve në kantier i kërkoi që ta vendoste. “Ku e ke maskën, vëre maskën”.

Një përgjigje, ai e kishte edhe për ata që sipas tij thonë se shkolla i ka dritaret e vogla.

 “Profesorët pinë kafe dhe bëjnë komente në Facebook. Ta shikoni dritën meqë thoni që janë të ngushta, super” tha ai.

PËRGJIGJU

Please enter your comment!
Please enter your name here