Ministri i Brendshëm Sandër Lleshaj ka folur mbi pretendimet e Partisë Demokratike se është takuar me badigardin e Bashës, lajm i bërë publik nga demokratët.
I pyetur nga gazetarja Elona Gjylmi, e televizionit A2CNN, Lleshaj ka mohuar që të jetë një lajm i vërtetë, duke thënë se janë lajme që i prodhon PD.
Lexo edhe- Kërcënohet Lulzim Basha? Presidenti Meta thërret krerët e Gardës dhe SHISH
“Duhet të pyesni PD për lajmet që prodhon PD. Besoj që tentoi të prodhojë një lajm, po ka lajme të tjera sot. Për lajme që prodhon PD nuk komentoj unë. Pyesni atje dhe besoj do ju japin përgjigje, sigurisht që nuk ka asnjë të vërtetë”, ka thënë Lleshaj për A2CNN.