Një grua shtatzënë nga Irani është sulmuar fizikisht nga një tjetër grua, pasi po kërcente dhe nuk kishte vendosur hixhabin.
Në videon e publikuar tregohet momenti kur gruaja shtatzënë goditet dhe përplaset përtokë.
“Pse po më rrihni?”, pyet e sulmuara.
“Largohu nga këtu, vish hixhabin. Duhet ta respektosh hixhabin”, përgjigjet agresorja.
“E di çfarë? Unë jam shtatzënë dhe për fat të keq nuk mund të mbrohem tani”.
“Vish hixhabin”
Këto pamje u ndaj në “Twitter” nga Masih Alinejad, një aktiviste iraniane për të drejtat e grave që jeton aktualisht në SHBA, e cila e përshkroi sulmin si të “tronditës dhe të dhimbshëm”.