Tashmë është zyrtare! Faqja zyrtare e Top Channel ka konfirmuar më në fund lajmin e shumëpritur: Kiara Tito do të jetë prezantuesja e “Big Brother Fan Club” për edicionin e ri të Big Brother VIP Albania.
Konfirmimi ka ardhur përmes një postimi në Instagram, ku është publikuar një bisedë në WhatsApp mes ekipit të emisionit. Në mesazhin e saj, Kiara shprehet entuziaste për këtë rikthim në ekran:
“Hey grupi! Jam e lumtur që do të jem prezantuesja e këtij edicioni.”
Siç dihej prej kohësh, Françeska Murati do të jetë opinionistja e parë e “Big Brother Fan Club” edhe këtë sezon. Ajo ka ndarë gjithashtu emocionet për nisjen e programit:
“Suksese të gjithëve! Do të jetë një super Fan Club.”
Ndërkohë, surpriza e vërtetë e këtij edicioni është Arjan Konomi, i cili konfirmohet si opinionisti nr. 2 i emisionit. Në të njëjtën bisedë, ai i ka uruar suksese ekipit:
“Suksese!”
Nga ana e produksionit bëhet e ditur se “Big Brother Fan Club” do të nisë një ditë pas natës së parë të BBV, duke u fokusuar këtë vit më shumë se kurrë tek publiku dhe ndjekësit besnikë të formatit.
“Fan Club këtë vit u përket plotësisht fansave të Big Brother VIP Albania. Të gjithë mund të bëhen pjesë.”
Nga data 21 dhjetor. Çdo të diel, ora 12:45.
