Një efektiv i policisë së Shkodrës ka rënë në një humnerë në zonën e Dukagjinit.
Bëhet fjalë për punonjësin Rrok Frroku, i cili ka humbur kontrollin, duke rënë në humnerë. Ngjarja ka ndodhur pasditën e së premtes në fshatin Dushman.
Ngjarja është regjistruar gjatë një aksioni të policisë për kanabis, ndërkohë që efektivit i kanë ardhur në ndihmë kolegët e tij dhe më pas e kanë transportuar për në spitalin e Shkodrës.
Mësohet se gjendja e tij është jashtë rrezikut për jetën. Për këtë rast, ende nuk ka një njoftim zyrtar nga policia e Shkodrës.