Ministria e Mbrojtjes njofton se janë hapur aplikimet për punësim në fushën e mbrojtjes kibernetike.
Ky njoftim vjen në një moment kur vendi ynë është goditur nga një sulm i rëndë kibernetik nga hakera nga Irani.
Në njoftim theksohet se Forcat e Armatosura po ngrenë një strukturë ekselente për mbrojtjen kibernetike dhe ftojnë më të mirët të bëhen pjesë e saj.
“Mundësi fantastike punësimi në fushën e mbrojtjes kibernetike!
Forcat e Armatosura po ngrenë një strukturë ekselente për Mbrojtjen Kibernetike dhe ftojnë më të mirët të bëhen pjesë e saj.
Njësia Ushtarake e Sigurisë Kibernetike ofron 7 vende për specialistë, të cilët përveç pagës konkurruese do të trajtohen edhe me një bonus të veçantë mbi pagë që varion nga 400 deri në 1 milionë shtesë.
Gjithashtu, do të kenë mundësi kualifikimi në qendrat e ekselencës së NATO-s dhe akses në programet e Masterit për Siguri Kibernetike në Akademinë e FA etj.
Kushtet dhe kriteret i gjeni në linqet e mëposhtme.
Aplikimet mbyllen më 18 tetor 2022”, njofton Ministria e Mbrojtjes.