Vendimi i sotëm duket se nuk ishte i papritur për ish-ministrin e Brendshëm Saimir Tahiri. Në një rrëfim të gjatë në emisionin “Opinion” ku do të fliste për akuzat ndaj tij, Tahiri do shprehej i bindur se pas heqjes së mandatit e priste dënimi me burg.
Tahiri do të shprehej se kërkesa e Prokurorisë për të ishte jo korrekte, sepse ajo nuk kërkoi ta hetojë, por me heqjen e mandatit do ta arrestonte.
“30 minuta para ngjarjes në Gërdeci ka folur me pronarin e firmës. Dhe nuk u thirr kurrë që të dëshmojë. Vetëm se u permeda nga dy kriminelë. Unë po shkoj në burg, po arrestohem. Kjo është Shqipëria ku numëron fletët e bllokut dhe numëron 7 përqindat, është presidenti i Republikës. E kam armik që nga dita e parë si ministër. Nuk më intereson fare. Kjo është Shqipëria Lorenc”, tha Tahiri.
“Unë e di që… interesante. Dhe sot po ju them se nuk është dita që të merrem se kush ja rol në këtë histori. Të shkoj edhe në qelinë më të largët të burgut. Do rri aty dhe pasi të zbardhet e vërteta.
Unë kam qenë ministër. S’po largohem. Sot më intereson vetëm e vërteta. Më intereson që im bir nesër kur të rritet, të mos kthejë kokën pas. Që familja ime të jetë e qetë”. / tirananews.al