Policia ka arrestuar një 20-vjeçar në Pogradec pasi akuzohet se ka prishur qetësinë publike duke kërcënuar me armë zjarri tre të rinj. Mësohet se i prangosuri është E. Sh., 20 vjeç, banues në Pogradec. Ky person ka kërcënuar me fjalë dhe me armë zjarri shtetasit K. L., 26 vjeç; D. L., 22 vjeç dhe R. D., 33 vjeç, banues në fshatin Vërdovë, Pogradec.”
Njoftimi i policisë:
“Specialistët për Hetimin e Krimeve në Komisariatin e Policisë Pogradec, bënë arrestimin në flagrancë për veprat penale “Kanosja”, “Prishja e qetësisë publike” dhe “Mbajtja pa leje dhe prodhimi i armëve, armëve shpërthyese dhe i municionit”, të shtetasit E. Sh., 20 vjeç, banues në Pogradec, pasi ky shtetas për motive të dobëta, ka prishur qetësinë publike dhe dyshohet se ka kanosur me fjalë dhe me armë zjarri tip pistoletë, shtetasit K. L., 26 vjeç; D. L., 22 vjeç dhe R. D., 33 vjeç, banues në fshatin Vërdovë, Pogradec.”