Trupa e Policisë së Shtetit prej së martës ka marrë në llogaritë e tyre bankare shpërblimin për fundvitin.
Buxheti për shpërblimet është siguruar nga fondet e vetë 12 drejtorive vendore të policisë.
Mësohet se shpërblimet kanë varjuar nga 20 mijë deri në 40 mijë lek për efektiv, në varësi të fondit të drejtorisë ku ushtron detyrën dhe vlerësimit të eprorëve për përformancën e punës.
Por jo e gjithë trupa prej rreth 12 mijë efektivësh kanë marrë bonusin.
Ata efektivë që kanë vërejtje apo masë disiplinore në fuqi, janë përjashtuar nga përftimi financiar.
Shpërblimi për policët vjen pas një viti ku uniformat blu kanë qenë një strukturë e angazhuar në disa prioritete, përfshirë zbatimin e masave anti-COVID.