Mëngjesin e kësaj të hëne, zyrtarë policorë serbë kanë dorëzuar armët dhe uniformat e tyre në stacionin policor në veri të Mitrovicës. Dorëzimi i pajisjeve të rreth 300 policëve në këtë stacion policor do të bëhet gjatë ditës së sotme me orare të ndryshme.
Në Mitrovicën e Veriut, të dielën u mbajt një protestë e thirrur nga Lista Serbe për shkak të vendimit të Prishtinës për riregjistrimin e makinave me targa serbe në targat RKS, Republika e Kosovës.
Kjo protestë është mbajtur një ditë pas vendimit të Listës Serbe për largim nga të gjitha institucionet e Kosovës.