Efektivët e policisë së Tiranës kanë nisur një aksion në akset kryesore të kryeqytetit, pas aksidentit të sotëm në “Rrugën e Kavajës” ku drejtuesi i saj, Ajas Sulejmani, nën efektin e lëndëve narkotike desh i mori jetën një familjeje prej 3 anëtarësh.
Sipas informacioneve, patrulla të shumta policie janë shpërndarë në akset hyrëse, dalëse dhe në rrugë të tjera kryesore në Tiranë ku po verifikojnë mjetet, kryesisht ato luksoze.
Aktualisht, efektivët po kryejnë teste të alkoolit për drejtuesit e mjeteteve, por edhe atë të përdorimit të lëndëve narkotike.
Shpejtësia tej normave të lejuara, mosrespektimi i semaforit dhe manovrat e gabuara, janë ndër faktorët kryesorë që sjellin aksidente.