Policia e Shtetit do të jetë e gjitha në këmbë ditën e sotme, për të menaxhuar bllokimin e akseve rrugore që do të bëhet nga ora 11:00 deri në orën 12:00 nga Opozita.
Burime nga policia bëjnë me dije se ata do të asistohen nga ekspertë të misioneve të huaja pranë Policisë së Shtetit.
Nga se bëhet e ditur, ekspertët e huaj kanë trajnuar Policinë më herët për menaxhimin e tubimeve, ndërsa ditën e sotme ata do ta mbështesin me këshilla dhe teknologji për monitorimin e situatës.
Po ashtu, një gjatë protestës ata do të japin asistencë për policinë si në dokumentimin e protestës si dhe reagimin ndaj çdo situate të mundshme që mund të krijohet.
Ndërsa, nga vetë ana e Policisë së Shtetit për monitorimin e protestës do të aplikohet teknologjia e fundit, për fiksim, filmim dhe identifikim të personave në protestë. /TiranaNews/