Pas 12 orësh kërkimi u gjetën 6 turistët e huaj, të humbur në malet e Skraparit. Menjëherë pas lajmërimit, dhjetra efektivë të Komisariatit të Policisë Skrapar, u nisën drejt malit ku kanë mundur të gjejnë në vendin e qujtur “Qafa e Gjarprit” 6 turistët e humbur.
Fatmirësisht asnjë nga turistët nuk është lënduar, ndërsa janë kthyer me Policinë në vendin ku ata kishin parkuar motorrat dhe janë larguar më pas nga qyteti i Skraparit.
Sipas uniformave blu, turistët kishin lënë në një zonë të hapur malore motorrat më të cilët kishin mbërritur në Skrapar dhe pasi kishin ecur për në këmbë për disa orë kishin humbur orientimin në pyjet e thellë të Postenit.
Ndërkohë, djali i njërit prej turistëve kishte ngritur alarmin nga Franca, duke telefonuar e njoftuar edhe ambasadën.