Policia e Shtetit ka publikuar një video informuese në lidhje me ‘dronin edukues’, ku thekson se objektiv i këtij të fundit është rritja e sigurisë rrugore përmes kontrollit të sjelljes së përdoruesve të rrugës.
Ne pamjet e publikuara shfaqen disa automjete të cilat nuk respektojnë vendkalimin e këmbësorëve në një rrugë të kryeqytetit, mjete të cilat shënjestrohen me ngjyrë të kuqe dhe më pas ndalohen nga efektivët e policisë rrugore.
Sakaq ata drejtues të cilët nuk respektojnë përparësinë e këmbësorëve në vijat e bardha, do të ndëshkohen sipas nenit 189 të Kodit Rrugor.