Bulevardi Saint-Laurent në Montreal është mbushur plot me policë pas njoftimit se një grup njerëzish po mbahen peng brenda kompanisë së lojrave video “Ubisoft.”
Po ashtu në vendngjarje kanë mbërritur dhe ambulanca dhe makina të blinduara. Mësohet se shumica e punonjësve dhe njerëzit që ishin të pranishëm në konferenca kanë mbetur brenda ndërsa disa të tjerë kanë arritur të dalin nga çatia e ndërtesës.
Ubisoft Montreal aktualisht ka të punësuar 4,000 njerëz, por shumica e tyre aktualisht po punojnë nga shtëpia për shkak të pandemisë Covid-19. E themeluar në 1997 si filial kanadez i gjigantit francez të lojërave video, Ubisoft Montreal qëndron pas titujve të tillë të njohur si ‘Prince of Persia: The Sands of Time’, seritë ‘Assassin’s Creed’, ‘Far Cry’ dhe ‘Watch Dogs’ .