Moti i keq me reshje shiu në të gjithë vendin dhe borë në disa zona ka bërë që Policia Rrugore të jetë më e pranishme në rrugë, për të parandaluar aksidentet dhe për të ndihmuar qytetarët në rast nevoje.
Policia njoftoi se po punon ngushtë me autoritetet dhe firmat kontraktore për pastrimin e rrugëve dhe shpërndarjen e kripës.
Apeli i policisë për drejtuesit e mjeteve është që të lëvizin me kujdes, të respektojnë sinjalistikën, të përdorin goma dimërore dhe zinxhirë kur nevoja e kërkon, dhe të ndjekin udhëzimet e patrullave rrugore.
Gjithashtu, policia kërkon që shoferët të vendosin rripin e sigurimit, të mos përdorin celularin gjatë drejtimit, të shmangin shpejtësinë e madhe dhe parakalimet e rrezikshme, dhe të mos drejtojnë mjetin nën ndikimin e alkoolit.