Ministri i Mbrojtjes, Niko Peleshi deklaroi sot se, Policia Ushtarake gjatë stërvitjes një javore në Bazën Detare të Pashalimanit, ka demonstruar një nivel të lartë të përgatitjes.
Përmes një postimi në “facebook”, Peleshi bën me dije se efektivët kanë praktikuar teknika me qëllim mbajtjen e gatishmërisë operacionale.
“Trupat e Policisë Ushtarake demonstruan nivel të lartë përgatitjeje gjatë stërvitjes njëjavore “Limani-23” në Bazën Detare të Pashalimanit. Efektivët praktikuan taktikat dhe teknikat që përdoren në ngritjen e pikave të kontrollit dhe operacionet e patrullimin në zonat urbane, duke testuar kapacitetet e deklaruara me qëllim mbajtjen e gatishmërisë operacionale”, shkruan ministri i Mbrojtjes në faqen e tij.