Policia serbe ka kryer kontrolle në banesën ku fshihej 21-vjeçari Uros B., autor i masakrës me 8 të vrarë dhe 14 persona të plagosur ditën e sotme në Serbi.
Kur policia ka kontrolluar shtëpinë e përdorur nga i dyshuari në Shevshin, ka gjetur një karabinë me optikë, një pistoletë, një pistoletë sinjalizuese, dy silenciatorë, një thikë gjuetie dhe armë të tjera, 164 fishekë të kalibrave të ndryshëm, 13 gëzhoja gjuetie, 12 gëzhoja, 4 fishekë sinjalizues dhe 25 copë municion karabine.
Gjithashtu, gjatë kontrollit të shtëpisë dhe objektit ndihmës në vendbanimin Vinjishtë, policia gjeti katër granata dore, disa kuti municionesh pistolete, disa copë municione pushke, një kornizë për një pistoletë, dy korniza me shumë gjasa për një pushkë automatike, një bartës optike, si dhe një pushkë automatike pa numër fabrike.