Një vlerësim nga qeveria e Mbretërisë së Bashkuar ka zbuluar se politika për të penguar imigracionin e paligjshëm kishte një ‘ndikim disproporcional’ te njerëzit me ngjyrë.
“The Guardian” shkruan se “masat mjedisore armiqësore u prezantuan gjatë mandatit të ish-kryeministrit të Britanisë së Madhe, David Cameron. Këto rregulla më vonë u riemërtuan si politika të ‘mjedisit në përputhje’.
Raporti i publikuar të enjten tregon se shtetasit indianë, pakistanezë, nigerianë dhe ata Bangladesh kishin më shumë gjasa të prekeshin nga këto politika.
“Ndërsa shqiptarët dhe brazilianët, pavarësisht se ishin ndër pesë kombësitë që qëndrojnë ilegalisht në Mbretërinë e Bashkuar, preken më pak nga këto masa”, shkruan media britanike.
“Ne vërejmë se nga pesë kombësitë kryesore të prekura, shumica janë të identifikueshme, pasi janë dukshëm jo të bardhë,” thuhet në dokument.
“Të dhënat e brendshme sugjerojnë se disa nga masat mjedisore në përputhje mund të ndikojnë në mënyrë disproporcionale te njerëzit me ngjyrë.”