Gjatë takimi me kryebashkiakët, kryeministri Edi Rama u ndal edhe te energjia elektrike, për të cilën tha se çmimi në brusë ka arritur shifra stratosferike krahasuar me një vit më parë.
Ai shtoi se vendi mund të përballet me situata më të vështira, ndaj duhet mësuar të kursejmë. Ai u tha kryebashkiakëve se në institucionet ku ka punonjës tepër dhe që nuk kryejnë asnjë funksion, duhen shkurtuar.
“E fundit por kjo është më e rëndësishmja. Sot energjia shitej, çmimi më i ulët 492.7 euro, çmimi tavan 600 euro megavat. Sot një vit përpara është shitur mes 90 dhe 98 euro. Ajo që ka ndodhur sot është që Shqipëria, nuk kemi arritur të blejmë të gjithë sasinë që kemi nevojë. Kjo është sfida e përditshme kush thotë që dua edhe këtë edhe këtë investime. Duhet të këtë parasysh që këtë diferencë të tmerrshme mes 90 dhe 600 ta paguajë buxheti i shtetit që të mos e paguajmë familjet e bizneset e vogla. Nëse do vijë dita që do duhet të prekim energjinë dhe tu themi njerëzve që kjo fatura tu rrit aty do ta kuptojnë të gjithë se ca do të thotë kjo kohë që po jetojmë. Kjo nuk ndodh se qeveria jonë nuk po e lë të ndodhë. Qeveritë gjykohen për atë që ndodh dhe rrallë mund të pretendo. Kjo që nuk po lëmë të ndodhë ka një kosto. Nëse s’do kishim këtë të jemi të sigurt që pjesa më e madhe do thonim nuk diskutohet që do i bëjmë. Kjo kohë e ka këtë të keqe por ka edhe një të mirë nëse duam ta shohim. Na jep mundësinë të bëhemi më të zgjatur në mënyrën sesi shpenzojmë, në mënyrën sesi nuk lejojmë shpenzimet e tepërta. P.sh: 6 herë më shumë punonjës në UKT, më tepë se ç’duhet. Duhet filluar të bëhen disa prerje dhe të mblidhen disa fonde nga aty që shpenzohen në mënyrë jo eficente”, tha Rama.