Pas dy reagimeve nga kryeministri Edi Rama në Twitter për çështjen e portit të Durrësit, kreu i grupit Parlamentar në Partinë Demokratike, Enkelejd Alibeaj i është përgjigjur po në Twitter, duke e akuzuar se po vjedh pasurinë e qytetarëve, edhe kjo për t’ia dhënë miqëve dhe klientëve. “Projekti i portit të Durrësit është dështimi dhe grabitja e radhës së kësaj qeverie që veç largimit i duhet të japë llogari dhe për abuzimet pa fré me pasuritë e shqiptarëve”.
Postimi i plotë
“Përrallat me transformime të mëdha dhe investitorë strategjikë janë të njëjtat me ato që u thotë shqiptarëve për inceneratorët. Për gati 9 vjet Edi Rama u ka ofruar qytetarëve pallavra për investime ndërsa u ka vjedhur atyre pasurinë publike.
Ua ka vjedhur duke ua bërë dhuratë miqve dhe klientëve të tij. Projekti i portit të Durrësit është dështimi dhe grabitja e radhës së kësaj qeverie që veç largimit i duhet të japë llogari dhe për abuzimet pa fré me pasuritë e shqiptarëve”.