Kreu i Partisë së Lirisë, Ilir Meta thotë se për Portin e Durrësit, kryeministri Edi Rama zgjodhi kompani guaskë me pronarë të fshehur. Për të Rama gënjeu në Kuvend kur tha që shteti nuk do paguajë asgjë. Po ashtu në konferencën për mediat, kreu i PL-së, theksoi edhe se është e qartë që me pronarë të fshehu offshore e për qindra leje ndërtimi në patë zonë, kërkon që të bëjë amnistinë fiskale de facto.
“Rama në vend të kompanive prestigjoze europiane, përzgjodhi kompanitë guacka me pronarë të fshehur. Ardhja e kompanive europiane ishte mundësi zbatimi projekti me standarte europiane dhe do ishte tërheqje e investotorëve. Rama gënjeu edhe dje në Kuvend kur tha që shteti nuk do paguajë asgjë. Shteti e ka përjashtuar nga taksa duke i hequr qindra mln euro para.
812 mijë metra katrorë në dispozicion pa pagesë, që do ishin qindra mln euro të tjera. Është e qartë që me pronarë të fshehu offshore dhe për qindra leje ndërtimi në patë zonë, kërkon që të bëjë Amnistinë Fiskale de facto.
Kjo aferë e errët godet thellësisht interesat kombëtare, interesin publik dhe financat e qytetarëve duke e bërë edhe më dramatik situatën që e thellon buxheti për 2023″.