Postimi i kryeministrit Edi Rama në Twitter ku ironizonte me djegien e mandateve të deputetëve opozitarë me një metaforë ironike për Juventusin, që kryeministri e njësonte në mënyrë indirekte me “kampionatin” e qeverisë së tij, nuk mund të mos kishte reagime.
I pari ishte Petrit Vasili, i cili reagoi në Facebook duke vijuar me gjuhën sportive, por padyshim edhe më agresive.
“Po ç’ është ky idiot kryeministër! Shpjegojani rrypit, që kur Juventusin e zunë që vidhte kampionatet me manipulime e blerje arbitrash, e bënë shembull, ja hoqën kampionatin dhe e çuan në serinë B”, deklaron deputeti, duke ndezur më tej “derbin” politik dhe futbollistik, duke parë besimin e tij të zjarrtë për Interin.