Kandidati i Partisë Demokratike në Berat, Lefter Maliqi, doli kundër partisë dhe vendosi të pranonte mandatin e deputetit.
I ftuar në emisionin ‘Top Show’, Maliqi ka thënë se Basha ka shkatërruar PD dhe se nuk ka mbajtur premtimet që i ka dhënë.
‘Unë Sali Berishës i jam mirënjohës, por jo Lulzim Bashes. Ai e ka shkatërruar Partinë Demokratike. Me PD më afroi Sokol Olldashi, unë iu rrita numrin e votave. Basha më ka gënjyer disa herë. Para se të publikonte listën më tha se do të isha i pari në listë. Ngela në çadër, nxori listën dhe më kishte vënë të tretin. Je deputet më thoshte, sepse Halimi do jetë ministër e do dorëhiqet. U duheshin votat e mia të fitonin 2 mandate. 8-9 mijë demokratë nuk votuan për PD në 2017. Ramës i thashë nëse PD merr dy mandate, unë do iki ska punë me mua’, u shpreh Maliqi, të cilin tashmë do ta shohim në Parlament.
