Këngëtari shumë i komentuar Stresi, ka pranuar se e ka dhunuar reperin Arben Simoni (BMT), ngjarje kjo e ndodhur pak ditë më parë. Përmes një live në Instagram me Kozakun, Stresi thotë se ai vetë nuk e ka prekur me dorë kundërshtarin, por ka dërguar njerëz që ta bëjnë një gjë të tillë. Rrahja thotë Stresi, ka ardhur pas ofendimeve publike që i ka bërë.
Po ashtu Stresi thekson se videot ku shihej se BMT e ofendonte dhe kërcënonte ia ka dërguar Prokurorisë së Përgjithshme, por duke qenë se prej tyre nuk ka gjetur zgjidhje, ka marrë vetë masa.
“Ne i kemi inat kërcënimet, sepse kemi motra, vëllezër, nënë, baba, dalin nëpër Tiranë, ku iu merret vesh këtyre se janë njerëz të çmendur, kërcënojnë “Do të vras. Po jetoj për të ardhur në Shqipëri për të të vrarë”. Ne kur e marrim vesh që janë në Shqipëri pastaj, veprojnë njerëzit se unë as nuk e kam prekur me dorë atë legen.
Këta kopilët e shtetit nuk shohin kërcënimet e tjetrit, por vijnë e pyesin; ‘Pse e ke rrahur’. E kam rrahur o vëlla sepse ti si shtet nuk je i aftë të mbrosh robin tënd. Unë i kam dërguar videot në Prokurori dhe iu kam thënë: ‘Shikoni se ky njeri është 40 vjeç, më merr në telefon nga Italia, më thotë që do të vij në Shqipëri dhe do të q* robtë e shtëpisë, ty, babait, nënës tënde do ju vras’, tani shoh që vjen në Shqipëri dhe s’merret asnjë lloj mase, si qenka ky muhabet kështu”,-thotë Stresi.