I ashpër ishte prefekti i Qarkut Dibër Nexhbedin Shehu me drejtuesit e pushtetit lokal në bashkitë Dibër, Bulqizë, Klos, Mat, drejtorët e ndërmarrjeve të rrugëve nacionale e rurale, zyrtarët e Policisë dhe përfaqësuesit e subjekteve që kanë fituar konçesionet për mirëmbajtjen e rrugës nacionale Milot-Peshkopi.

Dëmtimi i rëndë i rrugës kryesore në afërsi të qytetit Bulqizës ka krijuar probleme serioze për lëvizjen e makinave. “Çdo javë, tha Shehu, në këtë rrugë shkaktohen dy a tre aksidente për shkak të saltrove që janë krijuar në rrugë. Prej kohësh kemi kërkuar ndërhyrje nga firma që ka fituar konçesionin e mirëmbajtjes së rrugës dhe ende nuk është ndërhyrë. Duhet ngritur padi penale pasi situata është kritike dhe  pafalshme”.

Po në këtë mbledhje prefekti u interesua për sigurimin e mjeteve, kripës, skorieve dhe fuqisë punëtore në rast të reshjeve të dendura të borës, për të përballuar situatën dimërore në rajonin e Dibrës. /tirananews.al/