Pas zjarrit të madh që përfshiu zonën e Krapsit në Fier mesditën e sotme, në terren zbriti edhe kreu i Emergjencave Civile, Haki Çako, i shoqëruar nga prefekti i Qarkut Lafter Shehaj.
Në një prononcim për mediat prefekti Shehaj pohoi se situata e zjarreve është një emergjencë kombëtare.
Për Shehaj dita e sotme ka qenë edhe më kritike nga ditët e mëparshme, pasi zjarri iu është afruar edhe banesave teksa ka pohuar se zjarri është shtrirë në një sipërfaqe të gjerë duke sjellë një dëm të konsiderueshëm.
Aktualisht në terren ndodhen 8 mjete zjarrfikëse dhe forca të ushtrisë, të cilat po përpiqen të mbajnë nën kontroll vatrat e vogla aktive pas ndërhyrjes nga ajri.