Selena Gomez është beqare prej 2 vitesh dhe duket se ajo do të qëndrojë kështu derisa të gjejë njeriun perfekt për të. Në një intervistë për “Capital FM” artistja ka treguar se çfarë kërkon tek një djalë dhe si dëshiron që ai të shikojë për të. “Më pëlqejnë situatat në grup.
Ndihem më mirë nëse është dikush që e njoh nga dikush që njoh. Më pëlqen që dikush të arrijë tek unë në mënyrë natyrale. Dhe shpresoj që ai person të jetë vërtetë i interesuar për mua dhe jo për emrin tim. Kështu është shumë e vështirë, por zakonisht është mënyra më e mirë”, ka thënë Selena gjatë intervistës.
Ajo ka treguar se do të dëshironte të kishte në krahë një njeri të sinqertë, gallatë, jo arrogant, aventurier, por me këmbë në tokë dhe që nuk i pëlqen vëmendja e tepërt. Selena Gomez ka pasur në të shkuarën disa lidhje që nuk rezultuan të suksesshme, madje marrëdhënia me Justin Bieber ndikoi keq edhe në shëndetin e saj mendor.