Zëdhënësi i Presidentit të Republikës Tedi Blushi ka reaguar pas qëndrimit të Komisionit hetimor për Kreun e Shtetit, që në këtë hetim të përfshihet edhe përplasja e tij me kreun e KED Ardian Dvorani.
Sipas Presidencës këto veprime janë qartazi marrje në mbrojtje nga përgjegjësitë penale të Dvoranit, ndërkohë që vërteton se krimet e tij janë kryer në bashkëpunim.
Për zëdhënësin e Presidentit, veprimet e tyre fundit në shkelje të ligjit dhe Kushtetutës nuk janë asgjë tjetër veçse një presion i qartë politik ndaj organit të akuzës.
“Veprimet e fundit të komisionit parlamentar janë qartazi marrje në mbrojtje nga përgjegjësitë penale të z.Dvorani, i cili është kallëzuar në Prokurori për veprimtarinë e tij të mirëdokumentuar kriminale.Ky ‘solidaritet’ vërteton se krimet e z.Dvorani janë kryer në bashkëpunim.Dihet botërisht respekti që ka për Komisionin e Venecias ky grup i strukturuar dhe i specializuar për dhunimin e Kushtetutës.Ndaj veprimet e tyre fundit në shkelje të ligjit dhe Kushtetutës nuk janë asgjë tjetër veçse një presion i qartë politik ndaj organit të akuzës.Sa i përket shtyrjes së afatit të komisionit parlamentar, ne e kemi dhënë mendimin tonë: Punimet të shtyhen deri në 24 korrik 2022. Në këtë mënyrë deputetët e komisionit do kenë mundësi të përfitojnë akoma më shumë shpërblime financiare për çdo mbledhje”, deklaron Blushi.