Nga Ramiz Alia deri te Bajram Begaj, Shqipëria pas rrëzimit të sistemit komunist ka patur 8 presidentë, të zgjedhur në Parlament pas rrëzimit të diktaturës.
Nga 8 presidentët, 4 prej tyre janë zgjedhur nga PD: Sali Berisha, Alfred Moisiu, Bamir Topi, Bujar Nishani. E majta ka mundur të zgjedhë katër herë presidentët në vitin 1991 me Ramiz Alinë pasardhësi i diktatorit Enver Hoxha që qëndroi në këtë post deri në vitin 1992, ndërkohë që në vitin 1997, PS u përfaqësua në postin më të lartë të shtetit me ish-sekretarin e përgjithshëm të saj Rexhep Meidani dhe në vitin 2017 kur Edi Rama ja besoi postin e presidentit partisë simotër në koalicionin qeverisës LSI me ish-kreun e saj Ilir Meta që u votua nga socialistët si president i Republikës post që e mbajti deri këtë të dielë të 24 Korrikut për t’u zëvendesuar po nga një përzgjedhje po e Ramës ish-shefi i shtabit të përgjithshëm Bajram Begaj.
Një tjetër e veçantë e njerëzve të presidencës, është se tre prej tyre kanë qenë në profesionin e ushtarakut: Alfred Moisiu, Bujar Nishani dhe së fundmi Bajram Begaj. Deri para ndryshimeve Kushtetuese në vitin 2008, përcaktohej se kreu i shtetit zgjidhej vetëm me shumicë të cilësuar 84 vota.