Presidenti i Republikës së Shqipërisë, Ilir Meta ka pritur sot në një takim sot homologun e tij kosovar, Hashim Thaçin.
Presidenti Meta në një postim në Facebook, ka ndarë momente nga takimi i tij me liderin kosovar.
Meta shkruan se së bashku me të vlerësoi marrëdhëniet e shkëlqyera dypalëshe dhe u ndalën gjerë e gjatë te nevoja e rritjes së bashkëpunimit, ndërsa shton se liberalizimi i vizave për qytetarët e Kosovës është mëse i merituar.
“Shumë i kënaqur të takohesha sot me Presidentin e Republikës së Kosovës, Hashim Thaçi, i cili ndodhet në Tiranë në kuadër të Samitit të Brdo-Brijuni.
Vlerësuam marrëdhëniet e shkëlqyera dypalëshe dhe nënvizuam nevojën e rritjes së bashkëpunimit rajonal, si domosdoshmëri për integrimin europian.
Liberalizimi i vizave për qytetarët e Kosovës, mëse i merituar.”-shkruan Meta.