Përsa i përket çështjes së Presidentit, analisti Mustafa Nano i ftuar në MCN TV, tha se Ilir Meta e ka vendosur stekën presidenciale në një nivel të ulët dhe sipas gazetarit një President duhet të jetë pikë së pari Presidencial.
“Nuk më duket pa gjë kjo e Çollakut, ekziston si hipotezë, pasi duke e ndjekur proçesin të shkon mendja se mund të jetë përpjekje e mazhorancës për të marrë Presidentin, por mund të kemi dhe ndonjë surprizë. Unë nuk e përjashtoja, por as që mazhoranca të vendosë një person nga bota opozitare.
Meta e ka vendosur stekën presidenciale në një nivel të caktuar, sipas meje e ka vendosur shumë ulët. Meta ka qenë president që ka bërë lojëra politike, dhe e kemi parë në rrethanë presidenciale, duke folur në studio televizive. Meta nuk ka qenë presidencial, është kollaj të jesh më i mirë si Meta, ai që do vijë duhet të vendos stekën më lart. Duhet një emër i fortë.
Është ngjarje e pamundur të zgjidhem unë President, se nëse i shkon mendje te njerëz të serës sime që s’janë pjesë e klasës politike atëherë që ata i bie që janë më të mirë sesa ne kemi menduar. Vendimi i parë që do marr, do vij në studion tënde me kravatë.
Presidenti duhet të jetë presidencial, të respektojë Kushtetutën, ligjet, të ketë respekt për veten, duhet të shndërrohet president të Uniteti Kombëtar. Presidenti nuk duhet të shkelë në një studio televizive. Kush zgjidhet president duhet ta konsiderojë fundin e jetës së tij politike. Nuk mund ta shohësh si serum Presidencën. Siç do bëjë Meta, siç tentoi Topi”, tha Nano.