Pas mbledhjes së NATO-s, presidenti polak Andrzej Duda shpërthimin e së martës në Poloni që i kushtoi jetën dy personave, e quan një fatkeqësi më tepër sesa sulm i qëllimshëm.
“Nuk ka absolutisht asnjë të dhënë që të tregojë se ky ka qenë një sulm i qëllimshëm ndaj Polonisë. Ka shumë gjasa të bëhet fjalë për një raketë e përdorur për mbrojtje, që do të thotë se po përdorej nga forcat e mbrojtjes të Ukrainës”.
Të njëjtën gjë pohoi dhe sekretari i Përgjithshëm i NATO-s, Jens Stoltenberg, i cili theksoi për çdo rast se e gjithë kjo nuk ndodhi për faj të Ukrainës.