Kryeministri Edi Rama priti edhe Presidenten e KE-së, Ursula von der Leyen në kuadër të samitit të Procesit të Berlinit që mbahet sot në Tiranë, dhe për herë të parë në Ballkan dhe në një vend jo pjesë e BE-së.
Në fjalën e saj, Presidentja e KE-së, u shpreh se në qendër të këtij takimi është ekonomia e vendeve të Ballkanit Perëndimor të cilat duan të ecin përpara.
”Është samiti që mbahet për herë të parë dhe kjo gjë përcjell një mesazh të fuqishëm. Një ndër temat kryesore do jetë ekonomia, sepse mund të bëjmë gjithnjë më mirë. Për këtë na duhen reforma në Ballkanin Perëndimor dhe ata që kanë vullnetin të reformohen do të marrin një financim. Është stimul për ata që duan të ecin përpara”,-tha Von der Leyen.