Kreu i Partisë së Lirisë, Ilir Meta, ka zhvilluar sot një takim me qytetarët e Kuçovës.
Teksa prezantoi kandidatin e “Primareve” për këtë Bashki, Meta u shpreh se kryeministri Edi Rama i përzuri të gjithë socialistët e ndershëm nga forumet e partisë dhe tani nuk dëgjon dot asnjë zë kundër edhe në Parlament.
Një shi shumë i fortë dhe një bereqet shumë i madh do të jetë në 14 maj në kutitë e votimit. Le të ecim të sigurt drejt fitores së këtyre zgjedhjeve. Ftoj kandidatin apo kandidaten që do jetë i rilindjes, të përballet me Lefter Maliqin. Komunizmi pavarësisht nga krimet e sistemit, të paktën hapi shkolla në të gjithë Shqipërinë, ndërsa Rilindja ka bërë që çdo vit të mbyllen shkolla në gjithë vendin. Të mbyllen degët e universiteteve. Të ngelen mësues pa punë se nuk ka më nxënës. Interesi i vetëm është investimi nëpër kulla për të pastruar para. Janë këto arsyet pse nuk ka transparencë nga pushteti vendor dhe qendror. 10 milionë euro në vit shkon për inceneratorët në Tiranë. 430 mln euro vidhen dhe shpërdorohen në vend që të ktheheshin në kopshte e çerdhe. Rilindja duhet të ndëshkohet një orë e më parë, para se të përzërë të gjithë të rinjtë e Shqipërisë”, deklaroi Meta.