Në zgjedhjet e pjesshme të 9 nëntorit, deputetja Brunilda Mersini do të jetë e para grua pretendente për të drejtuar Bashkinë Vlorë.
Prezantimi i Mersinit u bë nga drejtuesi politik i PS, Bledi Çuçi, përmes Asamblesë së vogël të Partisë Socialiste, me pjesëmarrjen e deputetëve të qarkut dhe strukturave socialiste.
Pas takimit me strukturat socialiste, drejtuesi politik i qarkut Vlorë, Bledi Çuçi, e cilësoi kandidaten Mersini, si zgjedhjen që Vlorës do t’i sjellë vizionin e duhur.
Gjatë prononcimit të saj, kandidatja Brunilda Mersini e cilësoi si një privilegj dhe përgjegjësi faktin që është kandidatja e parë grua për Bashkinë e Vlorës. Ajo theksoi vendosmërinë për ta bërë Vlorën qytetin që vlonjatët meritojnë.
Kandidatja Mersini, theksoi angazhimin maksimal për të ndërtuar një bashki më efikase, më transparente dhe më pranë qytetarëve.